Hans

大学嘅时间过得真係好快。之前预设嘅死亡时间话咁快就到咗。Fine, time for a new one. 浑浑噩噩嘥咗廿年，係时候认真谂下自己想做同埋要做啲乜嘢。唔止谂啰，要计划，要做啦。

Bye, Hans of 19.

一个烂屐夜，回顾下六月暑假睇到嘅几个角度嘅广州。

上年喺一个forum上面见到有人成功上到Victory 52楼仲影咗几辑相post埋上去，跟住到上次12月嘅寒假就同埋浣熊一起试下闯下上去，点知真係畀我发现咗呢个风水宝地，一个仲未租出去嘅顶楼靓景写字楼单位（唯一可惜嘅就係呢个角度係睇唔到电视塔嘅，畀西塔完全遮住）。今次暑假返广州有日又係同浣熊行开天河，谂住顺脚上去望两眼啦，点知今次栋写字楼嘅管理真係够晒好玩，部lift嘅51同埋52楼两粒掣你一拳落去佢都係冇反应嘅，跟住试下...

一个比较annoying嘅research project前几日终于告一段落啦，呢个头痛咗成个学期，应该係两个星期嘅噩梦总算係尘埃落定啦，的确係攞到一个之前已经预见到嘅好肉酸嘅grade，当係对我呢一年半以嚟对英文课嘅漂浮不定嘅态度嘅一个报应。只不过係有啲心生不忿，点解会分到一个咁极品嘅research group呢，anyway, I tried to be positive.

Fine, let them be whatever they like (讲得好听就係let...

终于搬咗嚟Hall 7，要吐苦水。

攞咗锁匙之后开门入房嘅第一个反应就係虽然间房大咗，但係真係好旧。后嚟认真环视咗一眼之后发觉虽然Hall 7嘅房真係大过Hall 15，但係更多嘅係visual effects啰，首先我入房嘅时候间房入面除咗啲标准配置嘅傢俬之外係空无一物嘅，而且仲有一个好搞笑嘅现象，张床变窄咗，床褥变薄咗，书台细咗一个size，连个衣柜都少咗一忽，间房有乜可能唔大吖。讲讲嗰几件傢俬，基本上都可以有番个10年8年历史嘅，而且张书台係令人更加冇精神嘅深灰色，张...

I mentioned that in a phone call last night.

Almost everyone says I'm thinking, or worrying about too much. Actually I agree and also think that uncertainties are necessary for a trip, i.e. a life. I even enjoy uncertainties and wandering ...

近期觉得自己可以突然间好癫，hope so；但係次次癫完之后都会有少少自责：点解你可以噉样架？！好矛盾。

上个星期六，听完足足一个下昼嘅经验交流会之后，有啲重游旧地噉去到讲咗byebye咗好耐嘅Labrador探AunD Mary，终于将一盒就嚟过期嘅手信送到佢手，了咗件拖咗半个学期嘅事。离开应该係十点后嘅事啦，但係有少少突发奇想唔係几想返宿舍，跟住真係揾到两条傻佬陪我喺外面过夜，最后我嘅嗰晚係噉过嘅，通宵K加公路流浪加第一班地铁，再最后，冲凉房加床。
...

其实喺上个星期嘅recess之前就一直同自己讲，我要过番一个正常人喺东八区嘅正常生活，将个时差较番返嚟，不过好可惜，好失败噉将呢个时差变成咗彻底嘅日夜颠倒，用婆婆嘅讲法就係，折堕啊你！

今次我要向好多人道歉，我又再出尔反尔。

然后到今个星期开始返学，状况有啲改善，毕竟朝早係要返学嘅，但依然係差住几个钟嘅。跟住到咗寻日，竟然畀我发现咗一个好神奇嘅现象，原嚟调时差最好嘅方法未必係夹硬嚟将佢反转返去原点，或者大家可以将自己嘅时间按顺时针嘅方向推一个大圈，...

朝早问咗唔少人一个问题，“我今日似唔似死尸？”不过好可惜收唔到一个我expect嘅positive嘅答案，点解我会想人话我似死尸？点解我会想从其他人口中引导出一个自己想要嘅答案?

寻晚冇瞓觉，一直到今朝10点搭车返学，之后一时兴起，问起呢个问题。其实一直落嚟一个更大嘅问题就係，点解我嘅瞓觉时间会越推越迟嘅？其实通常都係到某个时间个人会开始攰，但係就係唔想瞓觉，有度力挡住我，唔畀我埋床。有时觉得宜家噉样好似以前细个嘅时候，一路打住喊露一路同屋企人扭计唔...